Կայքի քարտեզ  |  eng  |  pyc  |  հայ
Օրենքը չի կարող օրենք լինել, եթե նրա թիկունքում չկա հարկադրելու ընդունակ մի ուժ
  

2019-04-15 11:12 Հարկադիր կատարման ծառայությունը տեղեկացնում է

2019-04-08 12:49 Հարկադիր կատարման ծառայությունը տեղեկացնում է

2019-04-02 14:23 Հարկադիր կատարման ծառայությունում ամփոփվել են 2019 թվականի առաջին եռամսյանկի գործունեության արդյունքները
Հարկադիր կատարումն ապահովող ծառայություն
Հայաստանի Հանրապետության գլխավոր հարկադիր կատարող
Հարկադիր կատարող
Կառուցվածքը
Հարկադիր կատարման ենթակա ակտեր
Անհրաժեշտ փաստաթղթեր
Ընթացակարգը
Կողմերի իրավունքներն ու պարտականությունները
Կիրառվող միջոցները
Հարկադիր էլեկտրոնային աճուրդ
Օրենսդրություն
Նորություններ
Հաճախ տրվող հարցեր
Քաղաքացիների ընդունելություն
Մեդիադարան
Արձագանքներ
Հասցեներ եւ հեռախոսահամարներ
Տեղեկատվություն պարգևավճարների վերաբերյալ
Հայտարարություններ
Բացվում են ՀՀ և ԼՂՀ ԴԱՀԿ ծառայությունների համագործակցության նոր հեռանկարներ  2012-02-14 16:42

    Այսօր Հայաստանի Հանրապետության արդարադատության նախարարության դատական ակտերի հարկադիր կատարումն ապահովող ծառայության և Լեռնային Ղարաբաղի Հանրապետության արդարադատության նախարարության դատական ակտերի հարկադիր կատարումն ապահովող ծառայության միջև ստորագրվեց 2012-2013 թթ. Համագործակցության միջոցառումների ծրագիր: Այն կազմվել է ՀՀ ԱՆ ԴԱՀԿ ծառայության և ԼՂՀ ԱՆ ԴԱՀԿ ծառայության միջև 2010 թ. մարտի 26-ին Ստեփանակերտում ստորագրված Փոխըմբռնման համաձայնագրի հիման վրա:
    Փաստաթուղթն ստորագրեցին Հայաստանի Հանրապետության գլխավոր հարկադիր կատարող Միհրան Պողոսյանը և Լեռնային Ղարաբաղի Հանրապետության գլխավոր հարկադիր կատարող Սամվել Շահրամանյանը:
    Ողջունելով հյուրերին` ՀՀ գլխավոր հարկադիր կատարող Միհրան Պողոսյանը ուրախությամբ փաստեց, որ Արցախի ԴԱՀԿ-ն նունպես որոշել է անցնել  էլեկտրոնային  աճուրդների իրականացմանը։ Նրա խոսքով՝ գործընկեր երկրների ԴԱՀԿ կառույցների մեջ Հայաստանը, եթե ոչ առաջին, ապա երկրորդ երկիրն է, որտեղ կիրառվում է էլեկտրոնային աճուրդի համակարգը:
    "Դա խոսում է այն մասին, որ ծառայությունը բավական առաջ է գնացել: Այն կարող է նպաստել հասարակության հետ շփվելուն և հարկադիր կատարողի անմիջական գործոնը նվազեցնելուն, որը բերում է կոռուպցիոն ռիսկերի պակասեցմանը: Արցախում այդ համակարգի ներդրման դժվարությունը պայմանավորված է ինտերնետային ծածկույթի ոչ բավարար չափով, որը լուծելի է", - ասաց ՀՀ գլխավոր հարկադիր կատարողը՝ հույս հայտնելով, որ համագործակցությունն արդյունավետ կլինի:
    Իր հերթին Սամվել Շահրամանյանը կարևորեց ստորագրված փաստաթուղթը և ընդգծեց, որ այն նախատեսում է 2012-13 թթ. ծրագիրը, որի հիմքում դրված է էլեկտրոնային աճուրդի ծրագիրը: Նա շնորհակալություն հայտնեց ՀՀ ԴԱՀԿ ծառայությանը՝ Արցախի ծառայությունը միջազգային ասպարեզում ճանաչելի դարձնելու համար:
    Այնուհետև կողմերը փոխանակվել են հուշանվերներով:
    Միջոցառումների ծրագրով նախատեսվում է ԼՂՀ ԱՆ ԴԱՀԿ ծառայության ներկայացուցիչների կողմից ՀՀ ԱՆ ԴԱՀԿ ծառայությունում կիրառվող հարկադիր էլեկտրոնային աճուրդների անցկացման կարգի և փորձի ուսումնասիրություն, ԼՂՀ ԱՆ ԴԱՀԿ ծառայության պատասխանատու մասնագետների ուսուցանում, "Դատական ակտերի հարկադիր կատարումն ապահովող ծառայության մասին", "Դատական ակտերի հարկա­դիր կատարման մասին" ՀՀ և ԼՂՀ օրենքների ու հարակից իրավական ակտերի ուսումնասիրում և իրավունքի ունիֆիկացման նպատակով համեմատականների անցկացում, ՀՀ և ԼՂՀ՝ կատարողական վարույթը կարգավորող օրենսդրության ունիֆիկացմանն ուղղված նախագծերի մշակում, ինչպես նաև ՀՀ և ԼՂՀ ԱՆ ԴԱՀԿ ծառայությունների աշխատակիցների միջև փորձի փոխանակում տեխնիկական, մեթոդական, իրավական, ֆինանսատնտեսական և այլ ոլորտներում:


Հայաստանի Հանրապետություն, ք. Երեւան, 0078, Հալաբյան փ. 41ա | Թեժ գիծ՝ (+374) 60 570-435 | Էլ. փոստի հասցե՝ hotline@harkadir.am ; press@harkadir.am Copyright 2018 Բոլոր իրավունքները պաշտպանված են | ՀՀ արդարադատության նախարարություն | Հարկադիր կատարումն ապահովող ծառայություն
ՀԵՏԵՎԵՔ ՄԵԶ ՖԵՅՍԲՈՒՔՈՒՄ
Օգտվեք մեր Telegram բոտից
site design updated 09.01.2019
Redesigned by IT IA Dept. of Compulsory Enforcement Service, formerly Developed by WebCenter design studio