Կայքի քարտեզ  |  eng  |  pyc  |  հայ
Օրենքը չի կարող օրենք լինել, եթե նրա թիկունքում չկա հարկադրելու ընդունակ մի ուժ
  

2020-08-04 17:40 Գործարկվել է նամակների թվայնացման համակարգը

2020-07-28 11:43 Ամփոփվել է Հարկադիր կատարումն ապահովող ծառայության 2020 թվականի 1-ին կիսամյակի գործունեությունը

2020-07-27 11:40 ԿԱՐԵՎՈՐ ՏԵՂԵԿԱՑՈՒՄ (COVID19,թարմացվող)
Հարկադիր կատարումն ապահովող ծառայություն
Հայաստանի Հանրապետության գլխավոր հարկադիր կատարող
Կառուցվածքը
Կանոնադրություն
Հարկադիր կատարման ենթակա ակտեր
Անհրաժեշտ փաստաթղթեր
Ընթացակարգը
Կողմերի իրավունքներն ու պարտականությունները
Կիրառվող միջոցները
Հարկադիր էլեկտրոնային աճուրդ
Օրենսդրություն
Կադրերի ապահովում
Նորություններ
Հաճախ տրվող հարցեր
Քաղաքացիների ընդունելություն
Մեդիադարան
Արձագանքներ
Հասցեներ եւ հեռախոսահամարներ
Տեղեկատվություն պարգևավճարների վերաբերյալ
Հայտարարություններ
Արտերկրյա գործընկերների հետ միասին ԴԱՀԿ ծառայության անձնակազմը մասնակցեց Ցեղասպանության անմեղ նահատակների ոգեկոչման արարողությանը  2015-04-26 12:52

   Հայոց ցեղասպանության 100-րդ տարելիցի կապակցությամբ Հայաստան ժամանած ԴԱՀԿ ծառայության գործընկեր ավելի քան 10 երկրների պատվիրակություններ այսօր՝  ապրիլի 26-ին,  ՀՀ գլխավոր հարկադիր կատարող, արդարադատության գեներալ-մայոր Միհրան Պողոսյանի գլխավորությամբ երթով շարժվել են դեպի Ծիծեռնակաբերդի հուշահամալիր և մեկ րոպե լռությամբ հարգանքի տուրք մատուցել 1915 թվականին Օսմանյան կայսրությունում հայերի նկատմամբ իրականացված ցեղասպանության անմեղ նահատակների հիշատակին: Արտերկրյա պատվիրակությունների ներկայացուցիչները մոտեցել և մեկական ծաղիկ են ավելացրել անմոռուկի տեսքով ծաղկեպսակի վրա՝ ամբողջական տեսք տալով Հայոց ցեղասպանության նահատակների հիշատակի խորհրդանիշին:
   ՀՀ գլխավոր հարկադիր կատարողի հրավերով Հայաստան ժամանած Դատական կատարողների  միջազգային  միության նախագահը, Շվեդիայի, Ռուսաստանի,  Էստոնիայի, Բելգիայի, Հունաստանի, Լիտվայի, Սլովակիայի, Սերբիայի,  Վրաստանի, Արցախի համապատասխան կառույցների պատվիրակները կրում էին Հայոց ցեղասպանությունը խորհրդանշող անմոռուկներով կրծքանշաններ:
   Այնուհետև տեղի է ունեցել  Ցեղասպանության նահատակ Սրբերի  Բարեխոսական աղոթքի արարողություն Սուրբ Գրիգոր Լուսավորիչ Մայր  Եկեղեցու հոգևոր հովիվ Տեր Հակոբ քահանա Խաչատրյանի և մասնակից հոգևորականների կողմից և Մայր Եկեղեցու "Հավատամք" երգչախմբի մասնակցությամբ:
   Պատվիրակությունների անդամներն այցելել են նաև Հայոց  ցեղասպանության թանգարան-ինստիտուտ, ծանոթացել փաստագրական նյութերին, ինչպես նաև  դիտել են Ցեղասպանության  մասին պատմող ֆիլմ և գրառում կատարել հուշամատյանում: Թանգարանում նրանց "Հայոց Ցեղասպանության լուսաբանումը համաշխարհային մամուլի էջերում" վերնագրով գրքեր են նվիրել:
   Դատական կատարողների միջազգային միության նախագահ Լեո Նետենը և ՌԴ Դատական կատարողների դաշնային ծառայության տնօրեն - ՌԴ գլխավոր դատական պրիստավ Արթուր Պարֆենչիկովը հիշատակի պուրակում ջրել են համապատասխանաբար 2014թ.  և 2011թ.  Հայաստան կատարած այցի ժամանակ իրենց տնկած եղևնիները:
   Հիշեցնենք, որ Հայոց  ցեղասպանության զոհերի հիշատակի ոգեկոչման միջոցառումներին մասնակցելու նպատակով Հայաստան այցելելու հրավեր էր ուղարկվել ՀՀ ԱՆ ԴԱՀԿ ապահովող ծառայության մի շարք գործընկեր  երկրների կառույցների  ղեկավարների, ովքեր Ցեղասպանությունը  դատապարտող, հայ  ժողովրդի վիշտը կիսող և զորակցող խոսքեր են հղել   հայ ժողովրդին և իրենց գործընկրոջը:

 
 
 


Հայաստանի Հանրապետություն, ք. Երեւան, 0078, Հալաբյան փ. 41ա | Թեժ գիծ՝ (+374) 60 713-435 | Հայաստանի Հանրապետություն արդարադատության նախարարության թեժ գիծ՝ 85-00 Copyright 2018 Բոլոր իրավունքները պաշտպանված են | ՀՀ արդարադատության նախարարություն | Հարկադիր կատարումն ապահովող ծառայություն
ՀԵՏԵՎԵՔ ՄԵԶ ՖԵՅՍԲՈՒՔՈՒՄ
Օգտվեք մեր Telegram բոտից
site design updated 09.01.2019
Redesigned by IT IA Dept. of Compulsory Enforcement Service, formerly Developed by WebCenter design studio