Կայքի քարտեզ  |  eng  |  pyc  |  հայ
   Օրենքը չի կարող օրենք լինել, եթե նրա թիկունքում չկա հարկադրելու ընդունակ մի ուժ   
  
2019-02-18 11:33 Հարկադիր կատարման ծառայությունը տեղեկացնում է

2019-02-11 11:20 Հարկադիր կատարման ծառայությունը տեղեկացնում է

2019-02-06 15:54 Օրենսդրական նախագծի քննարկում Հարկադիր կատարման ծառայությունում
Հարկադիր կատարումն ապահովող ծառայություն
Հայաստանի Հանրապետության գլխավոր հարկադիր կատարող
Հարկադիր կատարող
Կառուցվածքը
Հարկադիր կատարման ենթակա ակտեր
Անհրաժեշտ փաստաթղթեր
Ընթացակարգը
Կողմերի իրավունքներն ու պարտականությունները
Կիրառվող միջոցները
Հարկադիր էլեկտրոնային աճուրդ
Օրենսդրություն
Նորություններ
Հաճախ տրվող հարցեր
Քաղաքացիների ընդունելություն
Մեդիադարան
Արձագանքներ
Հասցեներ եւ հեռախոսահամարներ
Հայտարարություն
Հարկադիր էլեկտրոնային աճուրդի ներկայացված՝ ք. Եղվարդի պահպահման տարածքում գտնվող տրանսպորտային միջոցները կարող եք ուսումնասիրել յուրաքանչուր շաբաթ օր՝ ժ. 10:00-14:00, ք. Եղվարդ, Երևանյան փ. 2 հասցեում
Աշխատանքային ամփոփիչ խորհրդակցություն Հարկադիր կատարման ծառայությունում  2017-04-10 14:00

 Այսօր՝ ապրիլի 10-ին, ՀՀ գլխավոր հարկադիր կատարողի ժամանակավոր պաշտոնակատար Արմեն Հարությունյանն աշխատանքային խորհրդակցություն է անցկացրել Հարկադիր կատարման ծառայության ղեկավար կազմի մասնակցությամբ:
 
Հերթական աշխատանքային խորհրդակցության ընթացքում Ծառայության ղեկավարին զեկուցվել է նախորդ խորհրդակցության ընթացքում տրված և արդեն կատարված հանձնարարականների մասին, ինչպես նաև ամփոփվել է 2017 թվականի մարտ ամսվա ընթացքում հարուցված, ավարտված և կարճված կատարողական վարույթների վերաբերյալ վիճակագրությունը, անդրադարձ է կատարվել բռնագանձումների ծավալին՝ համեմատականներ անցկացնելով ինչպես նախորդ տարվա նույն ժամանակահատվածի, այնպես էլ առաջին եռամսյակի ցուցանիշների հետ:
 
Աշխատանքային խորհրդակցության ընթացքում Ծառայության ղեկավարին է զեկուցվել նաև ս/թ մարտի 1-20-ը Ծառայության Երևան քաղաքի բաժիններում ՀՀ գլխավոր հարկադիր կատարողի հրամանով անցկացված տեսչական ստուգումների արդյունքների մասին: Արմեն Հարությունյանը հանձնարարել է սեղմ ժամկետում վերացնել արձանագրված բոլոր բացթողումներն ու թերությունները և կատարված աշխատանքների արդյունքների մասին զեկուցել հաջորդ աշխատանքային խորհրդակցության ընթացքում:
 
Կառույցի ղեկավարին է ներկայացվել նաև Ծառայության թեժ գծին կատարված զանգերի քանակն ու դրանց բովանդակությունը: Մասնավորապես՝ զեկուցվել է, որ հաշվետու ժամանակահատվածում Ծառայության թեժ գծի միջոցով ստացված զանգերի շուրջ 90 տոկոսը վերաբերել է տեղեկատվության ստացմանը, իսկ մնացած զանգերով հնչել են կատարողական վարույթներին առնչվող տարաբնույթ հարցեր: Ներկայացվածի վերաբերյալ Արմեն Հարությունյանը Ծառայության բաժինների պետերին տեղեկացրել է, որ Ծառայության արդիական ծրագրերի մասին քաղաքացիներին հնարավորինս պարզ ու մատչելի լեզվով իրազեկելու նպատակով մշակվել է հատուկ տեղեկատվական բուկլետ, որը շուտով կտրամադրվի Ծառայության բոլոր ստորաբաժանումներին, ինչպես նաև հասանելի կլինի Ծառայության վարչական շենքի առաջին հարկում տեղակայված արագ սպասարկման գրասենյակ այցելած քաղաքացիներին: Ծառայության ղեկավարը նաև հավելել է, որ պատրաստվել է հատուկ տեղեկատվական բնույթի տեսանյութ, որը կրկին նպատակ ունի քաղաքացիներին իրազեկել Հարկադիր կատարման ծառայության արդիական ծրագրերի մասին, որոնց ներդրման արդյունքում հնարավորինս պարզեցվում է հարկադիր կատարող-քաղաքացի շփումը, այն դառնում է առավել թափանցիկ ու հասանելի:
 
Խորհրդակցության ընթացքում համապատասխան ստորաբաժանումների ղեկավարները նաև հստակ հանձնարարական են ստացել այլ պետական գերատեսչությունների հետ ակտիվ աշխատանքային քննարկումներ կազմակերպելու, իրավակիրառ պրակտիկայում ի հայտ եկած որոշ հարցեր կարգավորելու և ծագած յուրաքանչյուր խնդրի օպերատիվորեն արձագանքելու համար:
 
Խորհրդակցության ավարտին ՀՀ գլխավոր հարկադիր կատարողի ժամանակավոր պաշտոնակատար Արմեն Հարությունյանը հորդորել է Ծառայության բաժինների պետերին խիստ հետևողական լինել տրված հանձնարարականների կատարման հարցում:









Հայաստանի Հանրապետություն, ք. Երեւան, 0078, Հալաբյան փ. 41ա | Թեժ գիծ՝ (+374) 60 570-435 | Էլ. փոստի հասցե՝ hotline@harkadir.am ; press@harkadir.am
Copyright 2018 Բոլոր իրավունքները պաշտպանված են | ՀՀ արդարադատության նախարարություն | Հարկադիր կատարումն ապահովող ծառայություն

ՀԵՏԵՎԵՔ ՄԵԶ ՖԵՅՍԲՈՒՔՈՒՄ

Օգտվեք մեր Telegram բոտից

site design updated 09.01.2019

Redesigned by IT IA Dept. of Compulsory Enforcement Service, formerly Developed by WebCenter design studio