Կայքի քարտեզ  |  eng  |  pyc  |  հայ
Օրենքը չի կարող օրենք լինել, եթե նրա թիկունքում չկա հարկադրելու ընդունակ մի ուժ
  

2019-08-12 16:28 ՀՀ գլխավոր հարկադիր կատարողի ժամանակավոր պաշտոնակատարն աշխատանքային խորհրդակցություն է անցկացրել

2019-08-06 10:13 Հարկադիր կատարումն ապահովող ծառայությունը տեղեկացնում է

2019-08-05 16:51 Օգոստոսի 4-ից ուժի մեջ են մտել մի շարք օրենքներ
Հարկադիր կատարումն ապահովող ծառայություն
Հայաստանի Հանրապետության գլխավոր հարկադիր կատարող
Կառուցվածքը
Կանոնադրություն
Հարկադիր կատարման ենթակա ակտեր
Անհրաժեշտ փաստաթղթեր
Ընթացակարգը
Կողմերի իրավունքներն ու պարտականությունները
Կիրառվող միջոցները
Հարկադիր էլեկտրոնային աճուրդ
Օրենսդրություն
Կադրերի ապահովում
Նորություններ
Հաճախ տրվող հարցեր
Քաղաքացիների ընդունելություն
Մեդիադարան
Արձագանքներ
Հասցեներ եւ հեռախոսահամարներ
Տեղեկատվություն պարգևավճարների վերաբերյալ
Հայտարարություններ
ՀՀ գլխավոր հարկադիր կատարողի գլխավորած պատվիրակությունը մասնակցում է Ռուսաստանի Դաշնությունում ընթացող միջազգային գիտաժողովի աշխատանքներին  2017-09-22 11:30

  ՀՀ գլխավոր հարկադիր կատարող, արդարադատության գեներալ-մայոր Արմեն Հարությունյանի գլխավորած պատվիրակությունը ՌԴ դատական պրիստավների դաշնային ծառայության տնօրենի հրավերով ս/թ սեպտեմբերի 21-22-ը երկօրյա աշխատանքային այցով գտնվում է Ռուսաստանի Դաշնության քաղաք Սուզդալում: Պատվիրակությունը մասնակցում է «Տեղեկատվական տեխնոլոգիաների կիրառումը կատարողական վարույթում» թեմայով միջազգային գիտագործնական համաժողովին, որին մասնակից են նաև պատվիրակություններ շուրջ 28 երկրներից, այդ թվում՝ Դատական կատարողների միջազգային միությունից, Ֆրանսիայից, Գերմանիայից, Ֆինլանդիայից, Մոլդովայից, Էստոնիայից, Բելառուսից, Չեխիայից, Ռումինիայից, Սերբիայից, Թաիլանդից, Չինաստանից և այլն:
  Միջազգային գիտաժողովը լայն հարթակ է՝ կատարողական վարույթին և առհասարակ հարկադիր կատարման գործընթացին առնչվող տարատեսակ խնդիրների վերհանման, փոխադարձ հետաքրքրություն ներկայացնող առանցքային հարցերի քննարկման և աշխատանքային հանդիպումների կազմակերպման համար:
 
Այսօր՝ սեպտեմբերի 22-ին, Արմեն Հարությունյանը հանդես է եկել ելույթով, որի ավարտին պատասխանել է նաև գործընկերների հնչեցրած հարցերին: ՀՀ գլխավոր հարկադիր կատարողն իր ելույթում ներկայացրել է Հայաստանի Հանրապետությունում հարկադիր կատարման գործընթացում տեղեկատվական տեխնոլոգիաների շարունակական ներդրման առավելությունները, համակարգի ձեռքբերումները, խոսել նաև այն փոփոխությունների և սպասվող արդյունքների մասին, որոնք ակնկալվում են մոտ ապագայում, և որոնց ներդրմամբ Ծառայության էլեկտրոնային կառավարման կենտրոնացված համակարգը կհամալրվի նոր մոդուլներով ու գործիքակազմով: ՀՀ գլխավոր հարկադիր կատարողն իր գործընկերներին է ներկայացրել նաև Ծառայության որդեգրած քաղաքականությունը. «Ծառայությունն աշխատում է բաց, հասանելի ու մատչելի դարձնել քաղաքացիների համար իր բոլոր գործառույթներն ընդհանրապես, ինչն, անշուշտ, կյանքի է կոչվում տեղեկատվական տեխնոլոգիաների շարունակական ներդրմամբ ու ինֆորմացիոն համակարգերի կատարելագործմամբ: Այսօր ամբողջ աշխարհում տեղեկատվական տեխնոլոգիաների լայնորեն կիրառումը հնարավորություն է ընձեռում ոչ միայն ավտոմատացնել ու դյուրինացնել ցանկացած գործընթաց, այլև զգալիորեն խնայել ժամանակ և ֆինանսական ռեսուրսներ, իսկ մենք շահագրգիռ ենք, որ մեր քաղաքացիների համար հնարավորինս պարզեցվեն հարկադիր կատարմանն առնչվող գործընթացները՝ վճարման պայմանները, տեղեկատվության հասանելիությունը, արգելանքների կիրառումը և այլն»:
 
Երկօրյա աշխատանքային այցի ընթացքում Ծառայության ղեկավարը նաև մի շարք հանդիպումներ, քննարկումներ և առանձնազրույցներ է ունեցել գործընկեր կառույցների ղեկավարների հետ, որոնց շրջանակներում խոսվել է փոխգործակցության խորացման ու փորձի փոխանակման ընդլայնման հեռանկարների մասին, որոնց շուրջ ձեռք են բերվել մի շարք առարկայական պայմանավորվածություններ:








Հայաստանի Հանրապետություն, ք. Երեւան, 0078, Հալաբյան փ. 41ա | Թեժ գիծ՝ (+374) 60 570-435 | Էլ. փոստի հասցե՝ hotline@harkadir.am
Copyright 2018 Բոլոր իրավունքները պաշտպանված են | ՀՀ արդարադատության նախարարություն | Հարկադիր կատարումն ապահովող ծառայություն

ՀԵՏԵՎԵՔ ՄԵԶ ՖԵՅՍԲՈՒՔՈՒՄ

Օգտվեք մեր Telegram բոտից

site design updated 09.01.2019

Redesigned by IT IA Dept. of Compulsory Enforcement Service, formerly Developed by WebCenter design studio