Կայքի քարտեզ  |  eng  |  pyc  |  հայ
Օրենքը չի կարող օրենք լինել, եթե նրա թիկունքում չկա հարկադրելու ընդունակ մի ուժ
  

2020-08-04 17:40 Գործարկվել է նամակների թվայնացման համակարգը

2020-07-28 11:43 Ամփոփվել է Հարկադիր կատարումն ապահովող ծառայության 2020 թվականի 1-ին կիսամյակի գործունեությունը

2020-07-27 11:40 ԿԱՐԵՎՈՐ ՏԵՂԵԿԱՑՈՒՄ (COVID19,թարմացվող)
Հարկադիր կատարումն ապահովող ծառայություն
Հայաստանի Հանրապետության գլխավոր հարկադիր կատարող
Կառուցվածքը
Կանոնադրություն
Հարկադիր կատարման ենթակա ակտեր
Անհրաժեշտ փաստաթղթեր
Ընթացակարգը
Կողմերի իրավունքներն ու պարտականությունները
Կիրառվող միջոցները
Հարկադիր էլեկտրոնային աճուրդ
Օրենսդրություն
Կադրերի ապահովում
Նորություններ
Հաճախ տրվող հարցեր
Քաղաքացիների ընդունելություն
Մեդիադարան
Արձագանքներ
Հասցեներ եւ հեռախոսահամարներ
Տեղեկատվություն պարգևավճարների վերաբերյալ
Հայտարարություններ
Հարկադիր կատարման ծառայությունում անցկացվել է ամենամսյա ամփոփիչ խորհրդակցություն  2018-02-12 14:04

  Այսօր՝ փետրվարի 12-ին, ՀՀ գլխավոր հարկադիր կատարող, արդարադատության գեներալ-մայոր Արմեն Հարությունյանն աշխատանքային խորհրդակցություն է անցկացրել Հարկադիր կատարման ծառայության ղեկավար կազմի մասնակցությամբ:
 
Ըստ սահմանված օրակարգի՝ Ծառայության ընդհանուր բաժնի պետ, արդարադատության փոխգնդապետ Մ.Մարությանը ՀՀ գլխավոր հարկադիր կատարողին է ներկայացրել նախորդ ամսվա ընթացքում ստացված գրությունների, դիմումների, թեժ գծով ստացված զանգերի ու արագ սպասարկման գրասենյակում սպասարկված քաղաքացիների թվի վերաբերյալ վիճակագրությունը: Այնուհետ Ծառայության ղեկավարին է ներկայացվել մանրամասն վերլուծություն՝ թեժ գծով ստացված զանգերի ընդհանուր բովանդակության և դրանց միջոցով լուծում տրված հարցերի մասին: Մասնավորապես, զեկուցվել է, որ կրճատվել են քաղաքացիների զանգերը հատկապես տեղեկատվություն ստանալու վերաբերյալ, ինչը վկայում է հասարակության իրազեկմանն ուղղված Ծառայության որդեգրած քաղաքականության դրական արդյունքների մասին: Արմեն Հարությունյանը հանձնարարել է Ծառայության միջազգային հարաբերությունների և հասարակայնության հետ կապերի բաժնի պետ, արդարադատության կապիտան Գ.Կուրղինյանին՝ ընթացիկ տարում ևս լայնածավալ աշխատանքներ տանել քաղաքացիների իրազեկման նպատակով մշակվող հոլովակների, տպագիր նյութերի, տեղեկատվական բուկլետների և այլ միջոցներով Ծառայության գործառույթները լուսաբանելու նպատակով:
 
Ծառայության վարչական ակտերով բռնագանձումների բաժնի պետ, արդարադատության մայոր Ֆ.Մեղրյանը զեկուցել է նախորդ ամսվա ընթացքում բաժնի կողմից կատարված աշխատանքների մասին: Ներկայացվել է, որ Ծառայության արագ սպասարկման գրասենյակում ներդրված առցանց հերթագրման համակարգը ևս տալիս է իր դրական արդյունքները: ՀՀ գլխավոր հարկադիր կատարողը հանձնարարել է վարչական ակտերով բռնագանձումների բաժնի պետին 2018 թվականին իրականացվելիք միջոցառումների ծրագրով նախատեսված բոլոր հանձնարարականները կատարել սահմանված ժամանակացույցով և արդյունքների մասին պարբերաբար զեկուցել:
 
Ծառայության աճուրդի կազմակերպման և գույքի իրացման բաժնի պետի ժ/պ, արդարադատության մայոր Տ.Հակոբյանը ներկայացրել է հաշվետու ամսվա ընթացքում հարկադիր էլեկտրոնային աճուրդով իրացված լոտերի վերաբերյալ ամփոփ վիճակագրությունը: Ծառայության ղեկավարին ներկայացվել է նաև, որ վերջերս կատարված օրենսդրական փոփոխություններին ամբողջությամբ համապատասխանեցնելու նպատակով հարկադիր էլեկտրոնային աճուրդների իրականացման կայքում կատարվել են փոփոխություններ:
 
Ծառայության տեսչական և վերլուծական բաժնի պետ, արդարադատության գնդապետ Լ.Բալյանը հաշվետու զեկույց է ներկայացրել բաժինների կողմից իրականացված բռնագանձումների ծավալի, հարուցված, ավարտված ու կարճված կատարողական վարույթների թվի վերաբերյալ ինչպես ամսական, այնպես էլ նախորդ հաշվետու տարվա կտրվածքով: Լ.Բալյանը ներկայացրել է նաև 2018 թվականի հունվարին Ծառայության տարբեր բաժիններում իրականացված տեսչական ստուգումների արդյունքները: ՀՀ գլխավոր հարկադիր կատարողը տեսչական ստուգում անցած բաժինների պետերին հանձնարարել է սեղմ ժամկետում վերացնել արձանագրված բացթողումները և հետևողական լինել՝ դրանք հետագայում բացառելու նպատակով:
 
Քննարկվել են նաև առանձին կատարողական վարույթների շրջանակներում իրականացվող տարաբնույթ կատարողական գործողություններին առնչվող մի շարք հարցեր:
  
Աշխատանքային խորհրդակցության ընթացքում Ծառայության ղեկավարը կարևորել է նաև մարզային այցելությունները՝ նշելով, որ դրանք ընթացիկ տարում ևս լինելու են շարունակական՝ մարզային ստորաբաժանումներում տեղում քննարկելու կատարվող աշխատանքների ընթացքը:
 
Խորհրդակցության ավարտին ՀՀ գլխավոր հարկադիր կատարողը Ծառայության բաժինների պետերին հանձնարարել է առանձնակի հետևողական լինել քաղաքացիներից ստացվող դիմումներով, գրություններով և զանգերով ստացված հարցումների նկատմամբ և օպերատիվ ընթացք տալ բարձրաձայնված բոլոր խնդիրներին:







Հայաստանի Հանրապետություն, ք. Երեւան, 0078, Հալաբյան փ. 41ա | Թեժ գիծ՝ (+374) 60 713-435 |
Հայաստանի Հանրապետություն արդարադատության նախարարության թեժ գիծ՝ 85-00
Copyright 2018 Բոլոր իրավունքները պաշտպանված են | ՀՀ արդարադատության նախարարություն | Հարկադիր կատարումն ապահովող ծառայություն

ՀԵՏԵՎԵՔ ՄԵԶ ՖԵՅՍԲՈՒՔՈՒՄ

Օգտվեք մեր Telegram բոտից

site design updated 09.01.2019

Redesigned by IT IA Dept. of Compulsory Enforcement Service, formerly Developed by WebCenter design studio