Կայքի քարտեզ  |  eng  |  pyc  |  հայ
Օրենքը չի կարող օրենք լինել, եթե նրա թիկունքում չկա հարկադրելու ընդունակ մի ուժ
  

2019-08-12 16:28 ՀՀ գլխավոր հարկադիր կատարողի ժամանակավոր պաշտոնակատարն աշխատանքային խորհրդակցություն է անցկացրել

2019-08-06 10:13 Հարկադիր կատարումն ապահովող ծառայությունը տեղեկացնում է

2019-08-05 16:51 Օգոստոսի 4-ից ուժի մեջ են մտել մի շարք օրենքներ
Հարկադիր կատարումն ապահովող ծառայություն
Հայաստանի Հանրապետության գլխավոր հարկադիր կատարող
Կառուցվածքը
Կանոնադրություն
Հարկադիր կատարման ենթակա ակտեր
Անհրաժեշտ փաստաթղթեր
Ընթացակարգը
Կողմերի իրավունքներն ու պարտականությունները
Կիրառվող միջոցները
Հարկադիր էլեկտրոնային աճուրդ
Օրենսդրություն
Կադրերի ապահովում
Նորություններ
Հաճախ տրվող հարցեր
Քաղաքացիների ընդունելություն
Մեդիադարան
Արձագանքներ
Հասցեներ եւ հեռախոսահամարներ
Տեղեկատվություն պարգևավճարների վերաբերյալ
Հայտարարություններ
Հարկադիր կատարման ծառայությունն ու Վրաստանի հարկադիր կատարման ազգային բյուրոն ստորագրել են համագործակցության հուշագիր  2018-03-30 17:22

 ՀՀ գլխավոր հարկադիր կատարող, արդարադատության գեներալ-մայոր Արմեն Հարությունյանի գլխավորած պատվիրակությունը ս/թ մարտի 29-30-ը երկօրյա աշխատանքային այցով գտնվում է Թբիլիսիում: Հարկադիր կատարման ծառայության ճանաչողական այցը Վրաստանի հարկադիր կատարման ազգային բյուրո նպատակ է հետապնդում գործընկեր երկու կառույցների միջև ստեղծել շարունակական համագործակցության անհրաժեշտ նախադրյալներ և նախանշել գործակցության զարգացման հետագա ուղիները:
  Վրաստանի հարկադիր կատարման ազգային բյուրոյի նախագահ Իոսեբ Բագատուրիայի հետ հանդիպման ընթացքում Արմեն Հարությունյանն անդրադարձել է հարևան երկրի գործընկեր կառույցի արձանագրած հաջողություններին՝ նշելով, որ դրանք հիանալի նախադրյալ կարող են հանդիսանալ ոչ միայն երկու բարեկամ երկրների հարուստ փորձի փոխանակման, այլև արդեն ձևավորված հարաբերությունները խորացնելու նպատակով:
 
Կողմերը կարևոր քայլ են կատարել՝ երկու երկրների արդարադատության կառույցների՝ Վրաստանի արդարադատության նախարարության հարկադիր կատարման ազգային բյուրոյի և Հայաստանի Հանրապետության արդարադատության նախարարության դատական ակտերի հարկադիր կատարումն ապահովող ծառայության համագործակցությունն ամրագրելով պաշտոնապես: Փոխգործակցության հիմքերի ստեղծման, փոխադարձ կապերի ամրապնդման և համատեղ աշխատանքների համակարգման ու իրականացման նպատակով կողմերի միջև ստորագրվել է համագործակցության հուշագիր: Պաշտոնական արարողությունից հետո կողմերը հանդես են եկել հայտարարություններով: Արմեն Հարությունյանն իր խոսքում, մասնավորապես նշել է. «Թույլ տվե՛ք ողջունել մեր երկու կառույցների միջև համագործակցության խորացման վերաբերյալ փոխըմբռնման հուշագրի ստորագրման առիթով: Մեր կառույցների միջև առաջին անգամ է կնքվում իրավական ոլորտում փոխգործակցություն սկսելու և ամրապնդելու նման փաստաթուղթ: Հուսով եմ՝ մեր ապագա հանդիպումները կլինեն ակտիվ՝ նպաստելով հարաբերությունների էլ ավելի խորացմանը: Ուրախ ենք գտնվել հարևան և բարեկամ Վրաստանում»:
 
Հուշագրի ստորագրմամբ Հարկադիր կատարման ծառայությունն ու Վրաստանի հարկադիր կատարման ազգային բյուրոն պարտավորվել են սեղմ ժամկետում ձևավորել աշխատանքային խումբ՝ մշակելով համագործակցության պլան: Երկուստեք պայմանավորվածություն է ձեռքբերվել նաև հուշագրի կողմերին հետաքրքրող թեմաների վերաբերյալ մոտ ապագայում կազմակերպել հանդիպում-քննարկում առավել ընդլայնված ձևաչափով՝ ներգրավելով ծառայությունների համապատասխան ստորաբաժանումների ղեկավարներին: Առաջիկա հանդիպման ընթացքում կքննարկվեն այնպիսի թեմաներ, ինչպիսիք են՝ հարկադիր կատարման գործընթացում տեղեկատվական տեխնոլոգիաների կիրառումը (էլեկտրոնային աճուրդներ, էլեկտրոնային վճարումներ, էլեկտրոնային վարույթ և այլն), պարտապանի գույքի վրա կիրառվող արգելանքները և բռնագանձումները, ինչպես նաև ոչ գույքային բնույթի կատարողական վարույթների առանձնահատկությունները (վտարումներ, ալիմենտային պարտավորություններ, երեխայի տեսակցություն և այլն):
 
Հայկական պատվիրակությունը նաև աշխատանքային այցով եղել է Վրաստանի Հարկադիր կատարման ազգային բյուրոյի Թբիլիսիի բաժանմունքում, ծանոթացել դրա աշխատանքներին և քաղաքացիների սպասարկման պայմաններին:
 
Աշխատանքային այցի ընթացքում տեղի է ունեցել ՀՀ գլխավոր հարկադիր կատարող Արմեն Հարությունյանի հանդիպումը Վրաստանի արդարադատության փոխնախարար Միխեիլ Սարջվելաձեի հետ, որի ընթացքում կողմերը ևս մեկ անգամ հաստատել են իրավական ոլորտում արդյունավետ համագործակցությունն ամրապնդելու նպատակահարմարությունը՝ փոխադարձ համաձայնության և գործընկերային հարաբերություններ ձևավորելու համատեքստում:










Հայաստանի Հանրապետություն, ք. Երեւան, 0078, Հալաբյան փ. 41ա | Թեժ գիծ՝ (+374) 60 570-435 | Էլ. փոստի հասցե՝ hotline@harkadir.am
Copyright 2018 Բոլոր իրավունքները պաշտպանված են | ՀՀ արդարադատության նախարարություն | Հարկադիր կատարումն ապահովող ծառայություն

ՀԵՏԵՎԵՔ ՄԵԶ ՖԵՅՍԲՈՒՔՈՒՄ

Օգտվեք մեր Telegram բոտից

site design updated 09.01.2019

Redesigned by IT IA Dept. of Compulsory Enforcement Service, formerly Developed by WebCenter design studio