Կայքի քարտեզ  |  eng  |  pyc  |  հայ   
   Օրենքը չի կարող օրենք լինել, եթե նրա թիկունքում չկա հարկադրելու ընդունակ մի ուժ   
  
Հակոբ Հակոբյանի գլխավորած պատվիրակությունը մասնակցել է Սոչիում ընթացող միջազգային գիտաժողովի աշխատանքներին 2018-10-13 11:15

ՀՀ գլխավոր հարկադիր կատարողի գլխավորած պատվիրակությունը մեկնել է Սոչի 2018-10-10 12:59

Շարային ստուգատես, երդման արարողություն և 2018 թվականի 9 ամիսների գործունեության արդյունքների ամփոփում Հարկադիր կատարման ծառայությունում  2018-10-09 11:46
Հարկադիր կատարումն ապահովող ծառայություն
Հայաստանի Հանրապետության գլխավոր հարկադիր կատարող
Հարկադիր կատարող
Կառուցվածքը
Հարկադիր կատարման ենթակա ակտեր
Անհրաժեշտ փաստաթղթեր
Ընթացակարգը
Կողմերի իրավունքներն ու պարտականությունները
Կիրառվող միջոցները
Հարկադիր էլեկտրոնային աճուրդ
Օրենսդրություն
Նորություններ
Հաճախ տրվող հարցեր
Քաղաքացիների ընդունելություն
Մեդիադարան
Արձագանքներ
Հասցեներ եւ հեռախոսահամարներ
Շարային ստուգատես, երդման արարողություն և 2018 թվականի 9 ամիսների գործունեության արդյունքների ամփոփում Հարկադիր կատարման ծառայությունում   2018-10-09 11:46

    Ս/թ հոկտեմբերի 8-ին Հարկադիր կատարման ծառայությունում անցկացվել է սպայական անձնակազմի շարային ստուգատես և առաջին անգամ հարկադիր կատարողի պաշտոնին նշանակված անձանց երդման ու ծառայողական վկայականների հանձնման հանդիսավոր արարողություն:
 
13 հարկադիր կատարողներ երդվել են հավատարմորեն ծառայել Հայաստանի Հանրապետության ժողովրդին՝ անվերապահորեն և բարեխղճորեն կատարելով իրենց ծառայողական պարտականությունները: ՀՀ գլխավոր հարկադիր կատարող, արդարադատության գնդապետ Հակոբ Հակոբյանը շնորհավորել է նորանշանակ հարկադիր կատարողներին պատասխանատու պաշտոնին նշանակվելու կապակցությամբ՝ նրանց մաղթելով հաջողություններ՝ անշեղորեն կատարելու ծառայողական բոլոր պարտականությունները:
 
Շարային ստուգատեսի ընթացքում ՀՀ գլխավոր հարկադիր կատարողը հետևել է հարկադիր կատարողների կողմից ծառայողական համազգեստի և վկայականների կրման համար սահմանված կարգի պահպանմանը: Ստուգատեսից հետո կառույցի ղեկավարը հարցեր է ուղղել բաժինների պետերին և հարկադիր կատարողներին:
 
Օրվա երկրորդ կեսին քննարկվել և ամփոփվել են Ծառայության 2018 թվականի 9 ամիսների գործունեության արդյունքները:
 
Հրավիրված ընդլայնված կազմով աշխատանքային ամփոփիչ խորհրդակցությունը վարել է ՀՀ գլխավոր հարկադիր կատարողը:
 
Խորհրդակցության ընթացքում, ըստ սահմանված օրակարգի, Ծառայության տեսչական և վերլուծական բաժնի պետը ներկայացրել է հաշվետու զեկույց՝ տարբեր բաժինների կողմից գումարների բռնագանձումների, կատարողական վարույթների կարճումների ու ավարտների վերաբերյալ:
 
2018 թվականի հունվար-սեպտեմբերի ամիսներին Ծառայության կողմից բռնագանձումների ընդհանուր ծավալը կազմել է 19 551 933 492 ՀՀ դրամ, ինչը նախորդ տարվա նույն ժամանակահատվածի համեմատությամբ ավել է շուրջ 6.4 տոկոսով: Հաշվետու ժամանակահատվածում ընթացք է տրվել 2 195 228 կատարողական վարույթների, ինչը նախորդ տարվա համեմատ ավել է շուրջ 83 տոկոսով: Ավարտված և կարճված կատարողական վարույթների քանակը կազմել է 2 133 825, ինչն, իր հերթին, նախորդ տարվա համեմատ ավել է շուրջ 85 տոկոսով: Մնացորդ կատարողական վարույթների թիվը կազմել է 61 403: Կատարողական վարույթների թվի նշված աճը մասամբ պայմանավորված է նաև վարչական իրավախախտում կատարած անձանց նկատմամբ «Մի շարք վարչական իրավախախտումների համար կիրառված տուգանքների համաներման մասին» ՀՀ օրենքով ս/թ հուլիսին հայտարարված ՃՈ վարչական ակտերի համաներմամբ:
  
Խորհրդակցության ընթացքում Ծառայության տարբեր բաժինների պետերը ներկայացրել են իրենց բաժիններում կատարված աշխատանքները և Ծառայության ղեկավարից ստացել կոնկրետ հանձնարարականներ:
 
Ի թիվս կատարողական վարույթներին առնչվող այլ հարցերի՝ խորհրդակցության ընթացքում ՀՀ գլխավոր հարկադիր կատարողն անդրադարձել է նաև քաղաքացիների դիմումներին ու գրություններին պատասխանելու ընթացակարգին: Նա հանձնարարել է բոլոր բաժինների պետերին քաղաքացիների դիմումներին ու գրություններին պատասխանել սեղմ ժամկետում՝ անհրաժեշտության դեպքում քաղաքացուն ուղարկելով միջանկյալ գրություն: Հակոբ Հակոբյանը հարկադիր կատարողներին կարգադրել է նաև լինել խիստ հետևողական աշխատանքային կարգապահության պահպանման հարցում և կատարողական վարույթի կողմերի հետ աշխատելիս ցուցաբերել նրբանկատություն ու զսպվածություն:
 
Կառույցի ղեկավարն ընդհանուր առմամբ Ծառայության 2018 թվականի 9 ամիսների գործունեությունը գնահատել է դրական:
 
Ամփոփելով աշխատանքային խորհրդակցությունը՝ ՀՀ գլխավոր հարկադիր կատարողը ծառայողական պարտականությունները բարեխղճորեն կատարելու համար խրախուսել է Ծառայության երեք աշխատակիցների:












Հայաստանի Հանրապետություն, ք. Երեւան, 0078, Հալաբյան փ. 41ա | Թեժ գիծ՝ (+374) 60 570-435 | Էլ. փոստի հասցե՝ hotline@harkadir.am ; press@harkadir.am
Copyright 2018 Բոլոր իրավունքները պաշտպանված են | ՀՀ Արդարադատության Նախարարություն | Հարկադիր Կատարումն Ապահովող Ծառայություն

site design updated 31.07.2018

Designed & Developed by WebCenter design studio