Կայքի քարտեզ  |  eng  |  pyc  |  հայ
Օրենքը չի կարող օրենք լինել, եթե նրա թիկունքում չկա հարկադրելու ընդունակ մի ուժ
  

2020-09-25 11:37 Տեղեկատվություն ՏՏ ոլորտի փորձագետ չընտրելու մասին

2020-09-22 18:31 Անկախության տոնի կապակցությամբ պարգևատրվել են Հարկադիր կատարումն ապահովող ծառայության մի շարք աշխատակիցներ

2020-09-21 12:31 Գլխավոր հարկադիր կատարող Սերգեյ Մեղրյանը շնորհավորել է Անկախության տոնի առթիվ
Հարկադիր կատարումն ապահովող ծառայություն
Հայաստանի Հանրապետության գլխավոր հարկադիր կատարող
Կառուցվածք
Կանոնադրություններ և այլ փաստաթղթեր
Օրենսդրություն
Նորություններ
Հաճախ տրվող հարցեր
Քաղաքացիների ընդունելություն
Մեդիադարան
Հասցեներ եւ հեռախոսահամարներ
Հայտարարություններ
Անհրաժեշտ փաստաթղթեր

Ներկայացուցչությունը կատարողական վարույթում

  Հարկադիր կատարման ընթացակարգը նախաձեռնելու համար անհրաժեշտ է Հարկադիր կատարումն ապահովող ծառայության տարածքային բաժին, կամ, եթե խոսքը գնում է ալիմետի բռնագանձման, վտարման, քրեական գործերով բռնագանձումների մասին, ապա համապաստասխան բաժին ներկայացնել անհրաժեշտ փաստաթղթեր, որոնց առկայության դեպքում միայն հարկադիր կատարողը կարող է հարուցել կատարողական վարույթ՝ ձեռնամուխ լինելով օրինական ուժի մեջ մտած դատական ակտի հարկադիր կատարմանը:

  Փաստաթղթերն անհրաժեշտ է ներկայացնել՝ ըստ Ծառայության բաժինների պաշտոնական հասցեների:

  Քաղաքացիները կատարողական վարույթին կարող են մասնակցել անձամբ կամ իրենց ներկայացուցիչների միջոցով: Քաղաքացու մասնակցությունը կատարողական վարույթին նրան չի զրկում ներկայացուցիչ ունենալու իրավունքից: Իրավաբանական անձանց մասնակցությունը կատարողական վարույթին իրականացվում է նրանց մարմինների կամ պաշտոնատար անձանց միջոցով, որոնք գործում են օրենքով կամ իրավաբանական անձի կանոնադրությամբ իրենց վերապահված լիազորությունների սահմաններում կամ ներկայացուցիչների միջոցով: Իրավաբանական անձի անունից հանդես եկող անձինք պարտավոր են ունենալ իրենց պաշտոնեական կարգավիճակը կամ լիազորությունները հավաստող փաստաթղթեր:

 
Հայաստանի Հանրապետության կամ համայնքի մասնակցությունը կատարողական վարույթին իրականացնում են Հայաստանի Հանրապետության քաղաքացիական օրենսգրքով սահմանված կարգով` համապատասխանորեն Հայաստանի Հանրապետության կամ համայնքի անունից հանդես եկող պետական կամ տեղական ինքնակառավարման մարմինները, դրանց պաշտոնատար անձինք, ինչպես նաև իրավաբանական անձինք և քաղաքացիները:

 
Եթե պարտապանը կատարողական թերթով պետք է կատարի այնպիսի գործողություններ, որոնք նա կարող է կատարել միայն անձամբ, ապա նա իրավունք չունի գործել ներկայացուցչի միջոցով:

 
Ներկայացուցչի լիազորությունները պետք է հաստատված լինեն օրենքին համապատասխան տրված և ձեւակերպված լիազորագրով: Ներկայացվողի անունից տրված լիազորագրում պետք է հատուկ նախատեսված լինեն ներկայացուցչի հետևյալ լիազորությունները.

  1. կատարողական թերթ ներկայացնելը և հետ վերցնելը,
  2. լիազորություններն այլ անձի փոխանցելը (վերալիազորում),
  3. բռնագանձված գույքը և (կամ) դրամը ստանալը,
  4. հարկադիր կատարողի գործողությունների դեմ բողոքարկելը:

  Անչափահասների, անգործունակ կամ սահմանափակ գործունակ ճանաչված քաղաքացիների իրավունքներն ու օրինական շահերը կատարողական վարույթում պաշտպանում են նրանց ծնողները (որդեգրողները), խնամակալները կամ հոգաբարձուները, որոնք ներկայացնում են իրենց կարգավիճակը հավաստող փաստաթղթեր:

 
Այն կատարողական վարույթին, որին պետք է մասնակցեր սահմանված կարգով անհայտ բացակայող ճանաչված քաղաքացին, որպես ներկայացուցիչ հանդես է գալիս նրա գույքի հավատարմագրային կառավարիչը:

 
Այն կատարողական վարույթին, որին պետք է մասնակցեր մահացած կամ սահմանված կարգով մահացած ճանաչված անձի ժառանգը, եթե ժառանգությունը ոչ ոքի կողմից դեռևս չի ընդունվել, որպես ժառանգի ներկայացուցիչ հանդես է գալիս ժառանգական գույքի պահպանման և կառավարման համար նշանակված անձը:

 
Օրինական ներկայացուցիչները կատարողական վարույթին իրենց մասնակցությունը կարող են հանձնարարել այլ անձանց:

Անհրաժեշտ փաստաթղթերն են`

  1. դիմում` կատարողական վարույթ հարուցելու կամ կատարողական թերթի պահանջները կատարելու մասին,
  2. կատարողական թերթ (կատարողական թերթը տրվում է դատարանի վճիռների, դատավճիռների, որոշումների դատարանի արձակած վճարման կարգադրությունների հիման վրա, արբիտրաժային տրիբունալների վճիռների հիման վրա, Հայաստանի Հանրապետության միջազգային պայմանագրերով նախատեսված դեպքերում օտարերկրյա դատարանների և արբիտրաժային տրիբունալների վճիռների և որոշումների հիման վրա, Հայաստանի Հանրապետության անդամակցությամբ (մասնակցությամբ) գործող միջազգային դատարանի (արբիտրաժի) դատական վճիռների կամ որոշումների հիման վրա, Ֆինանսական համակարգի հաշտարարի որոշումների հիման վրա,
  3. լիազորագիր (եթե պահանջատեր ֆիզիկական անձը հանդես է գալիս ներկայացուցչի միջոցով, եթե պահանջատեր իրավաբանական անձի անունից հանդես է գալիս ներկայացուցիչը),
  4. իրավաբանական անձի գրանցման վկայականը` տրված ՀՀ ԱՆ իրավաբանական անձանց պետական ռեգիստրի կողմից կամ տնօրեն նշանակելու մասին որոշման պատճենը, եթե պահանջատեր իրավաբանական անձի անունից հանդես է գալիս տնօրենը,
  5. լիազորությունները հավաստող համապատասխան փաստաթղթեր, եթե պահանջատիրոջ անունից հանդես է գալիս նրա գույքի հավատարմագրային կառավարիչը, օրինական ներկայացուցիչը:



e-payments.am

Քո Արգելանքը

Հարկադիր էլեկտրոնային աճուրդ

Տեղեկատու

sms ծանուցում

Telegram Bot



Տեղեկատու


Հայաստանի Հանրապետություն, ք. Երեւան, 0078, Հալաբյան փ. 41ա | Թեժ գիծ՝ (+374) 60 713-435 |
Հայաստանի Հանրապետություն արդարադատության նախարարության թեժ գիծ՝ 85-00
Copyright 2018 Բոլոր իրավունքները պաշտպանված են | ՀՀ արդարադատության նախարարություն | Հարկադիր կատարումն ապահովող ծառայություն

ՀԵՏԵՎԵՔ ՄԵԶ ՖԵՅՍԲՈՒՔՈՒՄ

Օգտվեք մեր Telegram բոտից

site design updated 09.01.2019

Redesigned by IT IA Dept. of Compulsory Enforcement Service, formerly Developed by WebCenter design studio